香港的政府～可笑

今日睇左一單幾有趣既新聞，真係令我大開眼界。香港政府管員竟然可以咁樣做野，我真係唔明ｄ納稅人出糧俾佢地做乜。

事原，房屋會資助房屋小組委員會今日通過修訂單身人士申請公屋入息限額由7,400元上調至7,430。大家唔駛擔心，我無打錯字，係上升左三十大元。

可能大家會諗，三十蚊ｊｅ，政府都算有良心。但我係度諗政府做緊ｄ乜呀，三十蚊，納稅人大拿拿出糧俾佢地去做野，佢地又開會，又俾傳媒妨問。為左上調入息限額三十蚊！？

大家試諗下，三十蚊真係有咁大影響力？三十蚊等於一日一蚊，一蚊係今時今日，撘個叮叮都唔得啦！

做野之前，諗下你點解要做，如果你覺得太多人有資格去申請公屋，求過於供，咁就改低ｄ；如果係供過於求，果要改高ｄ，改得勁ｄ，三十蚊，不如唔好改啦，浪費納稅人金錢。

最好笑係個代表最後重要講：「有改總好過無改啦。」真係俾佢吹帳！計我話，有你不如無你好過啦！真係可笑可笑！