「新!?.... 不如舊」

Weibo, facebook, 可以講係時下年青人/都市人, 最灸手可熱既事物, 但係, 有無人重記得Xanga, ICQ, Friendster呢? 一 D 好多人都玩過, 沉迷過既玩意. 可惜, 今時今日, 今非昔比.....

今日有空打開遺忘已久既 ICQ, 發現我是唯一一個 ONLINE 的人, 有一種無明既失落感.... 以前, 每天晚上不吃不睡, 目的都係上 ICQ 同人 CHAT, 可惜變成今日既景況....

再開 XANGA, 發現朋友的網誌已很久沒有更新, 少的半年, 多的幾年.... 再無所事事回看長久以來的網誌, 發現自己長大不少, 當看到一些年輕時寫的網誌, 都會會心微笑, 到底是我以前年幼無知, 或是今日年事已高呢? 不論是哪一個都好啦, 這些都是一些人生經歷, 正所謂, 經一事, 長一知. 我應該感激個天俾我一個不平坦又多采多姿的前半生.

正當大家玩緊 Weibo, facebook 既同時, 不妨開番 XANGA, Friendster睇下呀, 可能別有一番風味.

old story to share from my xanga:

手酸了，自然會放下手上的東西
心理累了，就把心事給放下來吧。

最近認識一位美國籍的出家人，是個很有趣的事情。
特別是他叫我舉起蕃茄汁跟他說話的經驗。

我們約在新竹的一家茶館，用英文談論著心經
，師父用英文跟我解釋因果、輪迴

這些事情，這都還不稀奇。

有趣的事情在後頭呢！

師父一聽完我跟他提到的個人煩惱的時候，他索性要我左手提起他剛買的
三罐番茄汁，一邊提著，一邊跟他說話。

可想而知，我左手感覺到疲勞的程度，跟時間成了正比。也懊惱著為何師
父要我一邊提著三罐蕃茄汁，一邊跟他說話。

受不了這樣的酸楚，我自行把左手放下，卻聽到師父跟我說：「Hold it
up, and keep talking to me.」，聽到這樣的話，心理不免起了疑心，
我手提的那麼酸，為何不讓我放下手上的重物，輕鬆地與他對談？

約莫過了15分鐘，我的左手實在承受不住了，才聽見師父跟我說：「Now
you can put it down.」。

看著我狐疑的臉，師父居然笑了出來。


「你不喜歡提著重物跟我說話，為何你卻喜歡帶著煩惱來跟我說話，
過著你的生活呢？手酸了，放下就好，對待煩惱，不也是這樣？
或是這些煩惱就像是那些番茄汁一樣，是你自己用手把它們給舉起來的呢？」

有趣的經驗，對吧？

最近我開始這樣的練習，一手舉起有重量的東西，一邊想著事情。
手酸了，自然會放下手上的東西，看看有一天，我會不會也學到，
心理累了， 就把心事給放下來。

今日睇番同一篇故事, 同我當日睇既時候, 竟然有另一番體會.

煩惱源自執著; 仇狠來自煩惱. 如果大家都能夠放下心中既番茄汁, 香港將會變得更好.

最低工資!? 最低禮金啦不如

因為有一份 Report 未收到, 正式宣佈今日的事做完.

因為咁, 又有空寫篇關於最低工資既感想.

五月一日, 最低工資出台, 吵鬧多年, 終於都「殺到埋身」. 本人從申一次, 我係一百萬個唔同意最低工資, 政府不應干擾市場, 由得市場自動調節.

從市場上, 報導上, 社會上, 都足以証明最低工資係勞民傷財, 有百害而無一利. 李卓人議員曾經講過:「最低工資水平必須足夠養家, 確保工人「尊嚴」!」但李卓人議員口中既「尊嚴」係乜野來衡量呢? 是財富? 還是階級?

尊嚴係唔應該用財富來衡量, 因為無錢既人都可以活得好有尊嚴, 有錢既人都亦都可以活得好無尊嚴, 生活上例子多的是.

咁...尊嚴應唔應該用階級來衡量, 只要有了最低工資, 弱勢社群的階級和社會地位會因而提昇, 不再是弱勢社群, 因為在弱勢社群腳下，將會新添了不少被淘汰出來的「無業民族」, 變成「更弱勢社群」, 原先的弱勢社群下面多了新增的一層「更弱勢社群」. 莫非李卓人議員口中既「尊嚴」, 就係咁?

今日有幸, 睇到一篇都係講關於最低工資既文, 佢舉左一個比喻, 真係不能不在此同大家分享一下: 工作比喻成結婚; 工資比喻成禮金; 勞方比喻成女方; 資方比喻成男方; 政黨比喻成外母.

大家試諗下, 如果將禮金都定下最低禮金(如廿八萬), 個世界會變成點?

一個女子年到三十有八, 擇友的條件己推低至「只要是男人便可」的階段, 但有了這個最低禮金之後, 就會變成無人問津, 因為如果我俾得廿八萬, 不如搵個年輕既女子, 點解要搵個咁大年紀呢?

另一女子剛畢業, 十八歲, 花樣年華, 想著藉呢個機會就可以嫁入豪門, 但環顧四周, 愛她的人真心有餘, 但銀彈不足, 結果找很久都找不到「開花結果」既機會.

有錢男就笑到眼都瞇, 即使光頭大肚腩, 肥到連襪都著唔到, 只要付得起這個最低禮金, 就有條件慢慢睇、慢慢揀.

英俊窮小生就幾靚仔都無用, 都無錢俾最低禮金結婚, 最後孤獨終老.

想嫁的嫁不出, 想娶的娶不起, 滿街堆著毒男剩女, 外母們還要面對一街毒男剩女, 面無愧色, 豪不反省地自誇「爭取成功」. 無錯, 重要有外母在叫囂「下一站要加到三十三萬禮金!」. 但另一邊廂, 外母又要求政府幫助那些嫁不出的小女孩. 佢地有無諗過個問題其實係邊呢?

今日既政黨還言之鑿鑿: 「付不了最低工資的小企業是無良, 根本就不應存在於社會. 」但另一邊廂, 又反對大企業壟斷市場, 要求保護小企業的生存空間.

呢 d 咪就係, 「見人講人話, 見鬼講鬼話」

忙裡偷閒 - 未來的「怪獸家長」!?

呢期忙報稅, 忙audit(被人audit), 忙了解新工作, 總之忙到一頭煙...... 算.....我認....係藉口, 我係懶打blog~

今日, 有dd時間, 沖左杯jasmine tea, 用ipad睇左陣報紙, 留意到一篇報導, 都可以share俾大家睇下... 而且加少少個人感受.

薪金追不上樓價 半數靠父母付首期 為子女置業 一代人供兩代樓

內容大致上七個字講曬「可憐天下父母心」, 父母唔想子女因高樓價問題而一個安樂窩都無. 決定一代供兩代樓. 講真, 父母咁做係為左子女, 無可厚非, 但係如果因為咁樣做, 而變成過份溺愛, 我就不敢恭維啦.

我諗大家都聽過「怪獸家長」呢個潮語, 80後90後既問題, 就本人而言, 有絕大部份都係因為「怪獸家長」而來.

一個人成長, 身邊有好多東西會影響到佢既思維、性格. 每一個人生階段會受唔同既人或事影響. 例如小朋友時候, 會受父母、同伴、玩意所影響; 在學時候, 會受老師、同學、功課、考試所影響; 工作時候, 會受同事、老闆、工作環境所影響; 甚至結左婚, 都會受另一半、外父外母、老爺奶奶、家庭壓力所影響. 但呢個係人生必經既階段, 人之所以成長, 都係因為有經歷. 而且, 人係需要碰壁先會長大, 人成長在一條事先定好既路上, 就只會變成時下既80後90後, 有乜時就叫救命, 向人求救, 無左自我解決問題既能力.

以上既問題, 例子多的是, 大家重記唔記得倫敦一次大雪, 有好多港童返唔到香港, 「怪獸家長們」空群而出, 投訴既投訴, 炒機票既炒機票, 作故仔既作故仔, 務求要令活在水深火熱既港童盡快回家. 我想請問家長們,你地當初送仔女去外國讀書既目的係? 唔信香港教育制度? 浸過咸水可以搵多d錢? 定係想佢地獨立? 我諗多數家長都係想仔女學識獨立. 各位家長係該次事件既反應, 會唔會有點兒「本末倒置」呢.

高樓價問題係嚴重, 的而且確政府係應該正視呢個問題, 而唔係一再賣豪宅地皮唻「火上加油」,大家睇到一有豪宅地皮賣, 樓價都會再高十幾廿個百分點就知增加供應唔係解決問題既方法, 不過都係果句: 「對果 D 等收工既人, 我不嬲都無乜期望, 無期望就唔會失望, 亦都唔會激心」

講番個今日想分享既問題, 幫係好, 無可厚非, 但點幫係一個問題. 正如我上面所講, 人既成長係建基於經歷, 想一個人成長, 唔係佢需要什麼就俾什麼.

就以報導入面既林生(林太兒子)為例, 佢一句「我假假哋也是專業人士，沒理由住這裏…… 」就反映都佢到而家都沒成長過. 你假假哋都係專業人士, 有乜理由咁同呀媽講野, 唔係佢, 你可能用唔知幾多錢租緊樓, 而家可能俾業主加租, 唔知幾時先可以賣樓呀, 衰仔!

報導中, 林太將細屋一心留給兒子結婚用(即係送啦), 但就正正係呢一個舉動, 又再一次培育左一個「怪獸仔女」, 根據報導所講, 細林生林太月入有八萬, 雖然八萬唔係真係好多, 但我真係諗唔到有乜理由係買唔到樓, 唯一可能, 佢地好大開支, 大到一個月用成六七萬, 但如果真係咁, 該對夫妻都幾離譜, 用成六七萬一個月, 但又攞左呀媽間屋, 重要講「沒理由住呢度」.... 我真係替大林太難過.

不過, 如果一開始大林太只係以借錢名義借首期俾兒子, 又或者以低市價既價錢租間屋俾兒子用, 一方面可以解決住屋問題, 又可以儲錢買佢地既 dream house, 何樂而不為呢?

p.s. 上星期我同外父外母飲茶, 講起「怪獸家長」呢個問題, 我今日未有仔女, 我重可以講話我一定唔會做一個「怪獸家長」, 但到時我真係有左細路, 我重可唔可以好肯定咁講我唔會呢? 我有疑慮, 因為我明白「當局者迷」呢一個道理.

背熟這堆就可以不需要滑鼠了

Ctrl+S 保存
Ctrl+W 關閉程序
Ctrl+N 新建
Ctrl+O 打開
Ctrl+Z 撤銷
Ctrl+F 查找
Ctrl+X 剪切
Ctrl+C 複製
Ctrl+V 粘貼
Ctrl+A 全選
Ctrl+[ 縮小文字
Ctrl+] 放大文字
Ctrl+B 粗體

Ctrl+I 斜體
Ctrl+U 下劃線
Ctrl+Shift 輸入法切換
Ctrl+空格中英文切換
Ctrl+回車QQ號中發送信息
Ctrl+Home 光標快速移到文件頭
Ctrl+End 光標快速移到文件尾
Ctrl+Esc 顯示開始菜單
Ctrl+Shift+< 快速縮小文字
Ctrl+Shift+> 快速放大文字
Ctrl+F5 在IE中強行刷新
Ctrl+拖動文件複製文件
Ctrl+Backspace 啟動\關閉輸入法
拖動文件時按住Ctrl+Shift 創建快捷方式

Alt+空格+C 關閉窗口
Alt+空格+N 最小化當前窗口
Alt+空格+R 恢復最小化窗口
Alt+空格+X 最大化當前窗口
Alt+空格+M 移動窗口
Alt+空格+S 改變窗口大小
Alt+Tab 兩個程序交換
Alt+255 QQ號中輸入無名人
Alt+F 打開文件菜單
Alt+V 打開視圖菜單
Alt+E 打開編輯菜單
Alt+I 打開插入菜單
Alt+O 打開格式菜單
Alt+T 打開工具菜單
Alt+A 打開表格菜單
Alt+W 打開窗口菜單
Alt+H 打開幫助菜單
Alt+回車查看文件屬性
Alt+雙擊文件查看文件屬性
Alt+X 關閉C語言
Shift快捷鍵
Shift+空格半\全角切換
Shift + Delete 永久刪除所選項，而不將它放到“回收站”中。
拖動某一項時按CTRL 複製所選項。
拖動某一項時按CTRL + SHIFT 創建所選項目的快捷鍵。
WORD全套快捷鍵小技巧
CTRL+O 打開
CTRL+P 打印
CTRL+A 全選
CTRL+[/] 對文字進行大小設置（在選中目標情況下）
CTRL+D 字體設置（在選中目標情況下）
CTRL+G/H 查找/替換;
CTRL+N 全文刪除;
CTRL+M 左邊距（在選中目標情況下）;
CTRL+U 繪製下劃線（在選中目標情況下）;
CTRL+B 加粗文字（在選中目標情況下）;
CTRL+I 傾斜文字（在選中目標情況下）;
CTRL+Q 兩邊對齊（無首行縮進），（在選中目標情況下）或將光標放置目標文字的段尾，亦可操作
CTRL+J 兩端對齊（操作同上）
CTRL+E 居中（操作同上）
CTRL+R 右對齊（操作同上）
CTRL+K 插入超鏈接
CTRL+T/Y 可進行首行縮進（將光標移到需做此操作的段尾，或將此段選中進行操作
Ctrl+A（或Ctrl+小鍵盤上數字5）：選中全文。
Ctrl+B：給選中的文字加粗（再按一次，取消加粗）。
Ctrl+C：將選中的文字複製到剪貼板中。
Ctrl+D：打開“字體”對話框，快速完成字體的各種設置。
Ctrl+E：使光標所在行的文本居中。
Ctrl+F：打開“查找與替換”對話框，並定位在“查找”標籤上。
Ctrl+G：打開“查找與替換”對話框，並定位在“定位”標籤上。
Ctrl+H：打開“查找與替換”對話框，並定位在“替換”標籤上。
Ctrl+I：使選中的文字傾斜（再按一次，取消傾斜）。
Ctrl+K：打開“插入超鏈接”對話框。
Ctrl+Shift+L：給光標所在行的文本加上“項目符號”。
Ctrl+M：同時增加首行和懸掛縮進。
Ctrl+Shift+M：同時減少首行和懸掛縮進。
Ctrl+N：新建一個空文檔。
Ctrl+O（或Ctrl+F12）：打開“打開”對話框。
Ctrl+P（或Ctrl+Shift+F12）：打開“打印”對話框。
Ctrl+R：使光標所在行的文本右對齊。
Ctrl+S：為新文檔打開“另保存為”對話框，或對當前文檔進行保存。
Ctrl+T：增加首行縮進。
Ctrl+Shift+T：減少首行縮進。
Ctrl+U：給選中的文字加上下劃線（再按一次，去年下劃線）。
Ctrl+V：將剪貼板中的文本或圖片粘貼到光標處。 若剪貼板中有多個內容，則將最後一條內容粘貼到光標處。
Ctrl+X：將選中的文字剪切到剪貼板中。
Ctrl+Z：撤銷剛才進行的操作（可以多次使用）。
Ctrl+0：將選中的文本每段前增加12磅的間距。
Ctrl+1：若選中的文本行距不是“單倍行距”，則將其快速設置為“單倍行距”。
Ctrl+2：將選中的文本行距設置為“兩倍行距”。
Ctrl+5：將選中的文本行距設置為“1.5倍行距”。
Ctrl+F2：快速執行“打印預覽”功能。
Ctrl+F4：關閉當前文檔。
Ctrl+F5：使窗口還原到最大化之前的狀態。
Ctrl+Shift+F5：打開“書籤”對話框。
Ctrl+Shift+F8：激活列選擇功能，即通常所說的選擇豎塊文本（再按一次或按ESC鍵，取消該功能）。
Ctrl+F9：在光標處插入一域記號“{}”（注意：直接輸入的一對大括號不能作為域記號）。
Ctrl+F5：使窗口還原到最大化之前的狀態（再按一次，就會使窗口再次最大化）。
Ctrl+Deltet：刪除光標後面的一個英文單詞或一個中文詞語（可反複使用）。
Ctrl+退格鍵：刪除光標前面的一個英文單詞或一個中文詞語（可反複使用）。
Ctrl+Enter：將光標後面的內容快速移到下一頁。
Ctrl+End：快速將光標移到文末。
Ctrl+Home（或Ctrl+Page Up）：快速將光標移到文首。
Ctrl+Insert+Insert(即按兩下Insert鍵)：快速打開或更改“任務窗格”到“剪貼板”狀態。
Ctrl+~：打開中文輸入法的“在線造詞”功能。
Ctrl++：快速切換到下標輸入狀態（再按一次恢復到正常狀態）。
Ctrl+Shift++：快速切換到上標輸入狀態（再按一次恢復到正常狀態）。
Ctrl+→：按英文單詞或中文詞語的間隔向後移動光標。
Ctrl+←：按英文單詞或中文詞語的間隔向前移動光標。
Ctrl+J：文本兩端對齊
Ctrl+L：文本左對齊
Ctrl+Q：段落重置
Ctrl+W：關閉當前文檔
Ctrl+Y：重複上一操作(部分操作不適用)

winkey+d :
這是高手最常用的第一快捷組合鍵。 這個快捷鍵組合可以將桌面上的所有窗口瞬間最小化，無論是聊天的窗口還是遊戲的窗口……只要再次按下這個組合鍵，剛才的所有窗口都回來了，而且激活的也正是你最小化之前在使用的窗口！
　　
winkey+f :
不用再去移動鼠標點“開始→搜索→文件和文件夾”了，在任何狀態下，只要一按winkey+f就會彈出搜索窗口。
　　
winkey+r :
在我們的文章中，你經常會看到這樣的操作提示:“點擊'開始→運行'，打開'運行'對話框……”。 其實，還有一個更簡單的辦法，就是按winkey + r！
　　
alt + tab :
如果打開的窗口太多，這個組合鍵就非常有用了，它可以在一個窗口中顯示當前打開的所有窗口的名稱和圖標，選中自己希望要打開的窗口，鬆開這個組合鍵就可以了。 而alt+tab+shift鍵則可以反向顯示當前打開的窗口。
　　
winkey+e :
當你需要打開資源管理器找文件的時候，這個快捷鍵會讓你感覺非常“爽”！ 再也不用騰出一隻手去摸鼠標了！

偷聽男人心

偷聽男人心 Part 1

偷聽男人心 Part 2

一個值得分享既星期日檔案

其實學呀BOB講, 男人係一樣好蠢既動物, 好易欺騙. 男人只係想要一個曉得間中扮儍既女人.

但真係要記住間中扮儍好啦, 唔好無時無刻都扮儍, 如果唔係, 個男人就會以為你真係儍, 咁就大鑊啦. 間中扮儍, 係一種情趣, 無時無刻都扮儍, 係真係沒趣.

之外, 男人係一樣好要面既動物, 係人面前, 幾唔鍾意都好, 俾少少面男友、老公, 返到屋企先慢慢講, 唔好當住咁多人面前ban佢, 黑面. 其實, 男人有時都好小朋友, 你越唔俾面佢, 佢越唔俾面你, 咁又有乜謂呢?

P.S. 其實係現今社會, 男女平等, 唔好講男人好要面, 女人其實都好要面, 女人都想要一個曉得間中扮儍既男人. 有時氹氹下又一年, 氹氹下又十年, 氹氹下又一世, 真又好, 假又好, 氹下佢又唔駛錢既, 氹多d你地既另一半啦. 希望大家記住以上既說話, 包你終生受用.

寧缺莫濫？寧濫莫缺？「莫濫莫缺」！

我記得我讀中三、四既時候，有一個好朋友同我講過一樣野叫寧缺莫濫，估唔到今日又睇番一篇以寧缺莫濫為題既文，但感覺差天共地。

先講一下背景，中學讀男校，永遠都無女人緣。但總係有ｄ有女人緣既同學，女朋友好似蜜蜂「劉」蜜糖，叫人好不羨慕，有次，同一個好朋友（無女人緣）傾開計，佢好理直氣壯話自己寧缺莫濫，唔駛羨慕ｄ咁濫既人。當時，我當然認同啦，因為我都無「女」呀嗎！雖然，我果時都唔係好明乜野叫寧缺莫濫.......

今日，有緣閱讀到一篇以寧缺莫濫為題既文，哈哈～真有趣，希望大家用少少時間睇下篇文先：

「有一種單身叫“寧缺莫濫”，想戀愛，想讓自己不再寂寞，可是當戀愛來了，你只想逃脫。
有時候當自己靜下心來會覺得自己的執著很可笑，為什麼不去戀愛？為什麼要讓自己單身呢？
難道是愛上了孤獨愛上了寂寞嗎？

其實不然，因為有一種單身叫“寧缺莫濫”。

寧缺莫濫的人,他們對愛很專一也很執著,他們有自己獨特的思想，能夠堅持自己；

寧缺莫濫的人，他們在茫茫人海中只想找一個能讓自己對上眼的人，他們可以讓自己孤獨讓自己寂寞就是不可以讓自己隨便和人戀愛；

寧缺莫濫的人，他們是最容易去相信感覺相信緣份的人，哪怕是一件很小的巧合他們也會單純的和緣份聯想在一起；

寧缺莫濫的人，他們不會輕易的去戀愛，但如果一旦對某人有好感就會堅持不懈，定下自己的心，他們絕不會花心；

寧缺莫濫的人，他們是有所要求的，在心裏也會有對另一半的憧憬，希望彼此的遇見是一個浪漫美麗的邂逅；

寧缺莫濫的人，他們會有自己的異性朋友，但交往中絕對會為彼此設定底線，不會輕易越過；

寧缺莫濫的人，他們尊重婚姻，尊重感情，他們不會隨便開始，而真正和別人交往了那麼其實在心裏自然而然就會把對方當成是婚姻的對象，因為婚姻而戀愛，他們是珍惜生活的人。

寧缺莫濫的人，他們不會因為結婚而結婚，哪怕周圍壓力重重。

有朋友說，現在的社會已經不流行寧缺莫濫了，應該寧濫莫缺，想想也是，沒有過程怎麼會知道適不適合？有沒有結果呢？難道就讓自己一點點的長大讓光陰一點點的流逝？可是當他們遇到一個讓自己沒有好感的人或許他們會因為禮貌而和對方有短暫的停留，但絕不會長久，他們尊重自己的感情也尊重別人的感情，他們不會浪費對方的時間。

或許有些人他們的戀愛只會幾個月，結束了，然後很快又開始了新的感情，因為他們博愛，他們只是想找個異性伴侶陪伴自己讓自己擺脫寂寞，因此，當他們結束一段又一段情時他們不會有任何傷感，因為他們沒有用過情，確切的說沒有用過很深的感情,他們會對所有的異性都有好感，不會執著，相對于寧缺莫濫之人他們會更聰明，更現實，也更會在戀愛中保護自己，他們在戀愛中會選擇理性的對待。

而寧缺莫濫的人不是這樣，別人永遠無法把他們與花心聯繫在一起，他們會將一段情維持很長，
而結束時他們會傷心、痛苦、難過，因為他們曾經付出過，而他們的結束一般是因為之間真的不適合而分開，他們希望自己的每一段情都是自己刻骨銘心的回憶，更會因為想尋找一份真愛而執著和等待，哪怕是用一生。

他們是感性的動物，喜歡思想，喜歡探索人生，他們會對未來的生活充滿好奇和幻想，他們是純情而又矯情之人，真誠而又善良之人。

老天會考驗他們的毅志與耐力，當他們度過了，便會收獲真愛。」

首先，我覺得寫得出呢篇文既人，九成九係一個單身既人，而且佢搵左好耐，都搵唔到另一半。

之但係，我唔係話呢個人係醜男或者醜女，又或者係性格好有問題，可能佢係一個同張柏芝差唔多樣，德蘭修女咁既性格既人。所以我首先表明兩者係無關聯，因為兩者係容易被人混為一談，其實，認同寧缺莫濫既人，唔一定係無有追。

一個無人追，又或者追唔到人既人，佢只會諗係唔係自己ｄ乜問題，而唔會去到諗寧缺莫濫。今日我講既唔係周星馳口中果ｄ「溝唔到仔／女既可憐蟲」。

認同寧缺莫濫即係話有機會係身邊，但差唔多一齊既時候，佢地會好自然地諗遠左，例如，呢個人可以同我結婚嗎？佢屋企人會ｏｋ嗎？我地興趣相同嗎？等等等等等等.........

上文有一句講得好，認同寧缺莫濫既人尊重自己的感情也尊重別人的感情，他們不會浪費對方的時間。

佢地諗遠左，係因為「尊重感情」，唔想好似而家ｄ人咁，個個都係速食男女，唔知由幾時開始，男仕們討論追女仔既問題時，已經由：「你同佢兩個人單獨食左飯味呀？」變左「你同佢單獨上左床味呀？」

好啦，講到呢到，好可能，你會覺得我都係一個認同寧缺莫濫既人。啱，我認同寧缺莫濫，當你唔認同既時候，就會變成時下ｄ青少年咁，第一個問女朋友既問題就係「你幾時可以同我上床？」因為佢地要快呀嗎，食完呢個，飛左佢食第二個。（都係果句，唔係一竹桿打沉一船人，但真係有好多，報紙都有寫～）

但係我亦唔多認同上文既論點，我認為，人係會變既，一個正常既人會因為生活環境改變而作出改變。我諗好多人都有同感，另一半係拍拖前，拍拖後，結婚前，結婚後，好似變左第二個人一樣，原因係生活環境改變。拍拖結婚前，女既千依百順，男既風度翩翩；拍拖結婚後，女既惡死能登，男既闊佬懶理，唔同過果個人有進一步既交流，又點知個果人係你既「對先生／對小姐」呢？

咁到底係應該，「寧缺莫濫」定係「寧濫莫缺」？我覺得最好係做到「莫濫莫缺」！

莫濫，我諗無需再多講。莫缺，係因為如果你長「缺」，咁又點俾機會自己，俾個機會其他人呢？

打個比喻，一個長期搵唔到工既青年，佢學歷高，樣正常，佢搵工既心態係「寧缺莫濫」，因為佢心入面已經有一份理想工作，就係消防員，因為佢要為社會做事，可惜，佢體能唔好，永遠連體能測試都過唔到。但係佢一心要做消防員，有好多親朋好友介紹ｄ工俾佢都唔做，又或者因為唔好意思而做一陣，因為無心做，結果唔係被人炒，就自己唔做．

可能，你會諗我呢個比喻唔合理，愛情點可以同工作混為一談，愛情係高尚既，咁比法唔啱。但係，我想講，愛情同工作都係人生２個好重要既元素，人生入面無左邊樣都好頭痕。

所以我認為「莫缺莫濫」先係啱，因為係你選人既同時，人都係選緊你；你搵工既同時，工都係搵緊你。唔同人開始交流，又點知個果人係你既「對先生」（ｍｒ．ｒｉｇｈｔ）呢；唔用心做好而家份工，又點知個份工係你既「理想工作」（ｄｒｅａｍ　ｗｏｒｋ）呢。

最後，都係果句：「祝願大家能把魚在最佳狀態下出貨。」（ｆｒｏｍ兩篇中女ＢＬＯＧ的讀後感 ）

好文分享

我正在讀中學是，被考了一道歷史題：

成吉思汗的繼承人窩闊臺，公元哪一年死？最遠打到哪裏？

一次偶然的機會，我發現【美國】世界史這道題目不是這樣考的。

它的題目是這樣的：

成吉思汗的繼承人窩闊臺，當初如果沒有死，歐洲會發生什麼變化？
試從經濟、政治、社會三方面分析。

有個學生是這樣回答的：

這位蒙古領導人如果當初沒有死，那麼可怕的黑死病就不會被帶到歐洲去，
後來才知道那個東西是老鼠身上的跳蚤引起的鼠疫。
但是六百多年前，黑死病在歐洲猖獗的時候，誰曉得這個叫做鼠疫。
如果沒有黑死病，神父跟修女就不會死亡。
神父跟修女如果沒有死亡，就不會懷疑上帝的存在。
如果沒有懷疑上帝的存在，就不會有意大利弗羅倫斯的文藝復興。
如果沒有文藝復興，西班牙、南歐就不會強大，西班牙無敵艦隊就不可能建立。
如果西班牙、意大利不夠強大，盎格魯─ 撒克遜會提早200 年強大，
日耳曼會控制中歐，奧匈帝國就不可能存在。

教師一看， 說：「 棒，分析得好。」

但他們沒有分數，只有等級 ， A！其實這種題目老師是沒有標準答案的，可是大家都要思考。

不久前，我去了趟日本，日本總是同我們在歷史問題上產生糾葛，所以我在日本很注意高中生的教科書。

【日本】的教師給高中生布置了這樣一道題

日本跟中國 100年打一次仗，
19 世紀打了日清戰爭（我們叫甲午戰爭），
20 世紀打了一場日中戰爭（我們叫做抗日戰爭），
21 世紀如果日本跟中國開火，你認為大概是什麼時候？
可能的遠因和近因在哪裏？
如果日本贏了，是贏在什麼地方？輸了是輸在什麼條件上？分析之。

其中有個高中生是這樣分析的：

我們跟中國很可能在臺灣回到中國以後，有一場激戰。
臺灣如果回到中國，中國會把基隆與高雄封鎖，臺灣海峽就會變成中國的內海，
我們的油輪就統統走右邊，走基隆和高雄的右邊。這樣，會增加日本的運油成本。
我們的石油從波斯灣出來跨過印度洋，
穿過馬六甲海峽，上中國南海，跨臺灣海峽進東海，到日本海，這是石油生命線，
中國政府如果把臺灣海峽封鎖起來，我們的貨輪一定要從那裏經過，
我們的主力艦和驅逐艦就會出動，中國海軍一看到日本出兵，馬上就會上場，那就打！

按照判斷，公元2015 年至 2020年之間，這場戰爭可能爆發。
所以，我們現在就要做對華抗戰的準備。

我看其他學生的判斷，也都是中國跟日本的磨擦，
會從東海開始，從臺灣海峽開始， 時間判斷是2015 年至2020 年之間。

這種題目和答案都太可怕了。

撇開政治因素來看這道題，我們的歷史教育就很有問題 。

(我的小想法：不只歷史吧！）

翻開我們的教科書，題目是這樣出的：

甲午戰爭是哪一年爆發的？簽訂的叫什麼條約？割讓多少土地？賠償多少銀兩？

每個學生都努力做答案。

結果我們一天到晚研究什麼時候割讓遼東半島，

什麼時候丟了臺灣、澎湖、賠償二萬銀兩1894年爆發甲午戰爭，

1895年簽訂馬關條約，背得滾瓜爛熟，都是一大堆枯燥無味的數字。

那又怎麼樣，反正都賠了嘛！銀兩都給了嘛！最主要的是將來可能會怎樣！

人家是培養能力，而我們是灌輸知識。

天啊！不能完全責怪孩子，應該反省的是我們大人。

「死火.玩大左」

記者現場見証示威者老屈警察

一個風和日麗既星期日, 係政府既「英明」管冶下, 變成風起雲湧既星期日.

對上一個星期日, 有多個政黨, 號召上萬人(政黨自己統計, 政府話大概得6,000, 又係6,000!!?? lucky number???)遊行, 希望大家含住粒糖上街去. 我無果班人咁熱心, 但都有睇新聞.

來來去去都係咁, 有班人帶頭叫下口號, 跟住有班疑似被人洗左腦既人, 係後面叫罵. 之不過, 今次好似帶頭班人好似知玩大左. 新聞, 我諗大家都有睇. 但係大家有無留意中間有一段, 社民連主席陶君行拎住個大聲公係度叫, 因為片源關係, 但我大概複述一下佢講d乜啦, 佢叫 d 衝曬出馬路同警察對示緊既示威者繼續遊行去遮打花園, 但好明顯, 無一個人理佢, 重叫: 「如果你想走, 你可以走, 我地係唔會走既!」 大家可以睇下下面段片, 由3:19開始.

6March2011德輔道中與雪廠街交界示威紀錄

哈哈~ 真係幾好笑, 陶君行被我既感覺係: 「死火, 玩大左, 點好呢?」

今次呢件事, 我只係覺得好地地一次示威遊行, 點解要搞到咁大鑊呢, 雖然, 我真係無諗過警察會用到胡椒噴霧 (係我心目中, 胡椒噴霧係用來對付 d 暴亂人仕而唔係示威人), 但係班示威人士做 d 咁既行為, 又係唔係應該呢? 見班示威人士提過基本法俾香港居民享有集會、遊行權利, 我就搵俾大家睇.

基本法 - 第三章「居民的基本權利和義務」中第二十七條: 香港居民享有言論、新聞、出版的自由，結社、集會、遊行、示威的自由，組織和参加工會、罷工的權利和自由。


但係同時基本法 - 第三章「居民的基本權利和義務」中第四十二条: 香港居民和在香港的其他人有遵守香港特别行政區實行的法律的義務。

基本法第三章全文

基本法內, 將居民的基本「權利」和「義務」放在同一章, 因為由細到大, 我地都知有「權利」就必有「義務」, 兩者是不能分開的. 班示威人士口口聲聲佢地有權集會、遊行, 咁佢地有無盡佢地既「義務」呢? 香港幾時變得係人都可以隨便企係條街, 阻住 d 想返屋企既人? 佢地連最基本既奉公守法都無做, 講乜野權利!

再者, 有邊個唔俾佢地班人上街集會、遊行? 星期日封左咁旺既馬路, 大部分警察去在睇住你地遊行, 無人唔俾佢地班人上街遊行, 只係想佢地安分守己. 但最後, 都係要發生 d 不必要既事端.

憤怒，令人有不合理的想法, 但「該等人覺得自己合理才是最可怕~」

唉, 今次真係 「死火.玩大左」

再談大陸人在香港生活

http://www.youtube.com/watch?v=sxmooOwTfTk&feature=player_embedded

大家首先睇睇上面youtube片先.

早排, 寫左篇blog, 「而家唔係派或唔派既問題, 係點解派和點派既問題」, 講到生活在香港的大陸人, 覺得香港政府要俾6,000蚊人地. 此blog一出, 連我老婆都話我錯, 有乜理由俾佢地先. 佢地正如 youtube 入面既人, 佢地好比蝗蟲, 對香港無貢獻, 又想人幫, 重要繁殖能力果然好似蝗虫一樣咁勁, 一家九口, 我地香港人有乜理由幫 d 咁既「外來者」.

派, 基本上已成定局, 因為我覺得如果財爺今日同全香港市民講唔派, 我諗香港會發生開埠以來, 最大既一次上街行動, 雖然, 我覺得下年如果無錢派, 都會有好多市民上街. 如果下年好景, 市民會講好景都唔派? 如果下年唔好景, 市民又會要求政府幫下手, 係庫房分 d 俾人駛. 咁即係話, 四個字, 一定要派! 所以我都話「此例一開～後患無窮～」

所以我只係覺得已成定局, 香港政府就應該做到每一個香港市民都有得派. 現今好多香港人把「新移民」當作是「外來者」, 瓜分左「香港人」的社會福利, 造成香港社會的負累. 但其實部份經常被視為是「依賴者」的「新移民」, 正為香港發展付出她們的廉價勞動, 並且為養育香港未來的「廉價人力資源」擔負著大量的照顧工作. 試問, 有幾多香港人願意去做廉價勞動既工作, 無左呢班「香港人」口中既「外來者」, 香港又會點呢? 咁當然, 都有唔少既「新移民」係蝗蟲, 正如 youtube入面既一家九口.

之但係, 如果你問我果九口, 有無得派? 我會話如果你地班高官俾佢地有權係香港生活, 你就應該派. 點解? 因為係你地班高官, 好似怕香港無人會死咁, 係咁收人落唻. 又唔睇下佢地既背景, 應唔應付都香港既生活. 你俾得人落呢, 你就有義務去幫人係度生活.

呢個情況, 好比你收養左隻寵物返屋企, 點知隻寵物唔生性, 唔幫你收報紙, 俾拖鞋之餘, 重要咬爛你 d 梳化, 你就放佢地係一二邊, 唔俾飯佢食, 唔理佢, 由得佢自生自滅. 但係你記住, 佢重係住係你屋企, 佢有權令到你屋企家嘈屋翳, 家無寧日. 所以我想問高官們, 你地真係要諗諗呢個「新移民」政策, 會唔會有得「微調」呢?

呢排, 有玩開facebook既人, 都知道有個fan page「新移民冇得拎六千蚊，這是永久居民獨有的福利，要有十萬個like俾班新移民睇」, 呢件事, 只係睇到, 政府帶頭岐視「新移民」, 到現在開始有人做野, 而家 d 傳媒影響力咁勁, 我真係怕好快會有人帶頭追殺 d 「新移民」.

而家唔係派或唔派既問題, 係點解派和點派既問題.

我尋晚訓得好差, 因為腦袋充滿著矛盾, 一方面同一般市民一樣, 為左6,000蚊而高興, 另一方面, 為左香港既未來而婉惜.

我尋日上網睇左好多某大討論區既評論, 總結那些評論, 兩點概括曬, (1) 香港政府成功分化成短視同有遠見既人. (2) 唔係派或唔派既問題, 係點解派和點派既問題.

首先申報, 我唔多鍾意討論區既評論, 甚至我覺得討論區係時下青年成日俾人話既一個最主要成因. 因為討論區有太多無聊人做出太多無聊野, 你地睇下有幾多「膠」POST 就知 D 人幾無聊.
但就係因為呢個平台, 我地先可以多 D 了解時下青年.

先講番派6,000蚊問題, 正如我上面講, 短視 = 支持, 有遠見 = 反對.

我起初覺得 100 % 啱, 有道理, 但尋晚之後, 我覺得啱得一半, 大家唔知有無睇尋日 TBB 新聞呢, 佢地訪問左好多唔同既人, 有個澳門+香港人 (同時有兩邊身分證), 有班靚靚主婦, 有生活在大陸既港人, 亦有一個生活在香港的大陸人, 一個係街拾荒既婆婆.

澳門+香港人 (同時有兩邊身分證), 好應該無得派啦~ 呢個世界邊有咁著數家~

靚靚主婦, 有個話要買手袋囉, 攞納稅人 D 錢去買個手袋.... 算, 學個 FD 話: 唯有同自己講：促進經濟嘛.

生活在大陸既港人, D 錢係香港 D 納稅人度收番唻既, 有乜理由俾你拎番大陸用, 係都係促進香港經濟, 而唔係大陸經濟啦.

生活在香港的大陸人, 講真, 我真心覺得要俾, 人地生活得係香港, 稅收都可能有部分係佢地度唻, 有乜理由唔俾先.

但最令我感興趣既係一個拾荒既婆婆, 記者當時問佢有6,000蚊開唔開心, 一日可以搵幾多錢, 6,000蚊等於佢幾多日搵到既錢 ?

佢笑到見牙唔見眼咁話: 當然開心, 一日搵得幾蚊雞, 6,000蚊等於成兩年搵到既錢 !

我睇完之後, 覺得政府起碼做左見好事, 雖然我講過不是要給他們吃魚, 而是要幫助/教導他們如何去捉魚, 如何找到魚食. 對於一班自稱有遠見既人, 包括我自己, 包括23/2既曾師長, 都會話希望各位有遠見, 不能派糖.

但原來呢個世界, 真係有些人係你點教佢捉魚, 都係無魚可食. 呢 D 人要幫, 但好明顯, 政府用錯方法.

所以, 講得啱既係, 而家唔係派或唔派既問題, 係點解派和點派既問題.

點解政府將 D 資源, 一 D 係班納稅人收番唻既錢, 用一個咁無 BASES 既方法丟曬出去, 佢應該諗方法去幫有須要既人, 減輕貧富懸殊.

不過算啦, 對 D 等收工既人, 我不嬲都無乜期望.

此例一開～後患無窮～

好耐無打ｂｌｏｇ，因為家中買了ｍａｃｂｏｏｋ，輸入法１８０度大改變，係公司忙到出煙，但今日，係食完果ｂｕｓｉｎｅｓｓ　ｌｕｎｃｈ回來之後，發現一個足以令我放棄要做既工作，都要打一篇ｂｌｏｇ去發洩既「政府德政」。

香港政府今年個財政預算案都算精彩，一出街俾人罵到狗血淋頭，尋日重有兩條友上台打曾蔭權，打到又入廠又重案組，到尋日為止，我雖然覺得財政預算係差，差在佢無ｆｏｃｕｓ係一ｄ嚴重既社會問題，如樓價高企，貧富懸殊等等，但起碼我覺得佢地係有思考，有遠見，起碼，佢地有ｇｕｔｓ唔派糖，退足咁多年既稅，一句要減輕通脹壓力，話唔退就唔退。我一百分之一百認同，讀過ｅｃｏｎ都知，你係個市場放＄，加上ｓｎｏｗ－ｂａｌｌ　ｅｆｆｅｃｔ，係一件好可怕既事。

之但係今日，財政司司長曾俊華宣布「微調」預算案，向年滿１８歲以上的市民派６０００元，代替注資強積金方案。以及減薪俸稅七成半，上限６０００元。退稅都唔夠，重要學人派錢！

人地澳門派錢，係因為人口少，稅收勁，派錢係一個必然既事，因為澳門政府攞左澳門市民寧靜既地方起賭場。澳門政府係將賭場既稅收分俾澳門市民，天經地義！

而家香港政府，係將各行各業既稅收，分俾每一個人，包括李＋乘，白痴！
大概等於每個勞動人口俾１２０００，就保守估有三百多萬勞動人口，就好等如係香港注入大概４００億現金，聽清楚，係現金！加上ｓｎｏｗ－ｂａｌｌ　ｅｆｆｅｃｔ，好等於幾千億......................

之前懶勁，又話減輕通脹壓力，去左邊？定係你條友仔怕死，見曾蔭權俾人打，所以「微調」預算案？白痴！

啱啱有個朋友講，香港已經成功共產化。好好笑，但係到ｐｏｉｎｔ！

此例一開～後患無窮～明年也派？派夠１２０００好未？後年呢？大後年呢？白痴！