做乜野之前都要諗下後果，包括串人！

呢期，有個女子好似叫唔知 Wuby 定係 Ruby，係youtube post 左一段串會考試場一個呀 sir 既片，內容大致上都係話佢ｄ英文有幾好笑啦，又話要同全世界講香港人ｄ英文有幾廢咁啦。但剛好，有條友叫mingjai14，我諗大家未必聽過呢個名，但都應該睇過佢段片「每天自戀多一些」，內容大致上同呀唔知 Wuby 定係 Ruby （我就當佢係 Wuby 算啦）果段差唔多，都係串下ｄ港男，鍾意自拍呀，自戀呀咁啦。但係兩段片出街之後既反應真係天同地比。

先講 Wuby 果段，段片一出街，立即係ｆａｃｅｂｏｏｋ流出，每一個網民都去佢個youtube channel留言，一日之內有差唔多一千人去「圍攻」。雖然事後佢都有道歉同delete段片，但係真係不得不佩服ｄ香港人，有人backup段片（其實佢backup段片做乜Ｑ呢？）之後放番上網。我諗呢位小朋友都應該買左一個好大既教訓，之後英文Oral都唔知點算，肯定俾人圍攻，真係聽者傷心，聞者流淚。

再講明仔（希望啱啦下）果段，大部份網民都拍案叫絕，係佢個 channel 度留言話期待下一段片。

諗諗下，其實大家都係串人，Wuby 串香港老師既英文，明仔就串港男既自戀。我深信留言既網民十居其九都係港男而唔係老師啦，咁點解網民唔去「圍攻」出片串自己既明仔，而去幫ｄ呀ｓｉｒ呢？

好明顯，係因為 Wuby 串人串得唔夠 pro lor！自己串人英文，但又用一ｄ唔咸唔淡既英文，個樣又十足十tranditional既香港女仔（即係港女），唔俾人「圍」就奇啦。相反明仔段片搞笑得唻又到point，串人串得咁到point，明係串自己都唔出聲啦，唔怕俾其他人「圍」咩。

事件發展都今日，只有希望 Wuby 明白做乜野之前都要諗下後果，有Ｄ野係收唔返既。By the way, 佢其他ｖｌｏｇ係拍得唔差既，值得支持，不過呢ｄ就係「一子錯，滿盤皆落索」。

ZERO sum game

呢排，睇到廿蚊張係電視度講而家最低工資由廿蚊變成廿四蚊會令佢痛ｄ，因為之前俾一張廿蚊紙掟變成俾一張紙幣加兩個銀仔掟，其實佢都幾慘，因為佢講乜都死。

之前讀過ｅｃｏｎ既人都應該知道乜野係ZERO sum game，ZERO sum game即係當有人輸既時候，一定有其他人羸，將所有人羸輸加起來一定等於＂零＂。

其實最低工資定係一個高於資方可以接受既時候，資方會有損失，當資方有損失，只會有兩個可能性，一：由得佢，輸曬就算。二：加價，將損失轉移俾消費者。我諗，做得老闆，後者居多，如果係咁，果班人講３３蚊一個鐘，其實夠唔夠呢，今日夠，聽日又夠唔夠呢？

讀過ｅｃｏｎ既人都應該聽過一個equilibrium既situation係唔駛有人出手，市場會自動調節。

其實，政府要做既，只係需要諗方法，收窄貧富懸殊，將資源放係有需要既地方／民眾，咁就少ｄ民怨啦，唔好做ｄ多餘野啦唔該。

放手

以下是一篇值得分享的網上文章：

「這是一個早上，媽媽正在廚房清洗早餐的碗碟。
她有一個四歲的小孩子，自得其樂地在沙發上玩耍，不久之後，
媽媽聽到孩子的哭啼聲。
究竟發生什麼事呢？媽媽還沒有將手抹乾，就衝出去客廳看看孩子去了哪裡。
原來，孩子仍坐在沙發上；但是，他的手卻插進了放在茶几上的花樽裡。
花樽是上窄下闊的一款，所以，他的手伸了入去，但伸不出來。
母親用了不同的辦法，把卡著了的手拿出來，但都不得要領。
媽媽開始焦急，她稍為用力一點，小孩子就痛得叫苦連天。
在無計可施的情況下，媽媽想了一個下策，就是把花樽打碎。
可是她稍有猶豫，因為這個花樽不是普通的花樽，而是一件價值連城的古董。
不過，為了兒子的手能夠拔出，這是唯一的辦法。
結果，她忍痛將花樽打破了。
雖然損失不菲，但兒子平平安安，媽媽也就不太計較了。
她叫兒子將手伸給她看看有沒有損傷。
雖然孩子完全沒有任何皮外傷，但他的拳頭仍是緊握住似的，無法張開。
是不是抽筋呢？
媽媽又再驚惶失措。
原來，小孩子的手不是抽筋。
他的拳頭張不開，是因為他緊捉著一個十元硬幣。
他是為了拾這一個硬幣，所以令手卡在花樽的樽口。
小孩子的手伸不出來，其實，不是因為花樽口太窄，而是因為他不肯放手。」

小孩子的故事令我想像到當日的天經地義，變成今天的荒謬到極。

為了區區十元，打碎了一個古董花樽，小孩子當時不會了解，也不會後悔，因為那時他只知十元硬幣是何等價值，而不會知花樽的價值。

小孩子不了解他執著那個硬幣的機會成本是那麼大。

他長大了之後，才會了解花樽的價值，才會明白自己昔日的愚昧。

小孩子的故事是人生在世的警惕，做人不應該執迷不悟。

請原諒我以前的執迷不悟。

一段愛情的四個階段

首先，我諗好多人都聽過，一段愛情係有四個階段。包括拖手、親咀、Make out及Make love。但係我以家想講既，唔係呢Ｄ男仔用來騙女仔的四個階段，係真愛中的四個階段。

今日，係一個朋友的facebook睇都呢個咁有意義既四個階段，想同大家分享一下。

一個心理學家曾經講過，一段真正稱得上真愛的愛情必須經歷這四個階段，包括共存(codependent)、反依賴(counter-dependent)、獨立(independent)、共生(interdependent)。

共存發生在熱戀期，２４ｘ７ｘ５２一年（２４小時ｘ７日ｘ５２周），我都同未婚妻有個呢一ｄ日子，只不過係俾公司迫成的，一年三百六十五日都係公司一齊做野，但係都好明白呢種共存既心情。

反依賴發生係其中一方，又或者係雙方開始想有自己的私人時間，做一ｄ自己既事。

獨立發生係反依賴後，真正有私人時間，過返一ｄ未有另一半時的生活。

共生發生係當大家都認定對方，是自己最親密的人，找出一套共同生活的方法，例如結婚又或者同居。

可能，你會諗，我同我愛人係唔會發生第二同第三階段既，會直接由第一階段到第四階段。首先，我恭喜你先，因為你重係同你愛人活在第一階段，係第一階段入面，只要你與愛人同在，全世界什麼事都係美好的。第一階段是愛情中最美好的。

但我可以好肯定咁講，花無百日紅，愛情一定有由濃變淡的時候，往往呢個係愛情中最痛苦的時候。由反依賴到獨立，好多人都會諗，佢唔再愛我，佢由２４ｘ７ｘ５２變到而家咁，一定係變左心。到最後，好多情侶都會係第二同第三階段入面放棄呢段感情，繼而分手，真係可惜。

兩個人走得埋一齊，一定有原因既，佢愛你先又好，你愛佢先都好，走得埋一齊，一定係有ｄ原因吸引到對方。好多時，當進入第二同第三階段既時候，呢個原因都會變得煙消雲散。

其實，係有方法縮減第二同第三階段既時間，只要多作溝通，二人同心協力，不要輕言放棄對方的感情，一定會好快找到第四階段的入口。

係第四階段入面，二人會有一些很微妙的改變，你會發現你會慢慢變成另一半，第四階段是一個很長的階段，久而久之，會發現自己的口吻，步伐，性格，甚至樣貌都會慢慢變得像另一半。不用刻意改變的，這全是自己發至內心的改變。

希望大家有情人終成眷屬。

香港的政府～可笑

今日睇左一單幾有趣既新聞，真係令我大開眼界。香港政府管員竟然可以咁樣做野，我真係唔明ｄ納稅人出糧俾佢地做乜。

事原，房屋會資助房屋小組委員會今日通過修訂單身人士申請公屋入息限額由7,400元上調至7,430。大家唔駛擔心，我無打錯字，係上升左三十大元。

可能大家會諗，三十蚊ｊｅ，政府都算有良心。但我係度諗政府做緊ｄ乜呀，三十蚊，納稅人大拿拿出糧俾佢地去做野，佢地又開會，又俾傳媒妨問。為左上調入息限額三十蚊！？

大家試諗下，三十蚊真係有咁大影響力？三十蚊等於一日一蚊，一蚊係今時今日，撘個叮叮都唔得啦！

做野之前，諗下你點解要做，如果你覺得太多人有資格去申請公屋，求過於供，咁就改低ｄ；如果係供過於求，果要改高ｄ，改得勁ｄ，三十蚊，不如唔好改啦，浪費納稅人金錢。

最好笑係個代表最後重要講：「有改總好過無改啦。」真係俾佢吹帳！計我話，有你不如無你好過啦！真係可笑可笑！

Odd精

呢排同屋企人D朋友食飯，全部都是已婚或有小孩的夫婦。大家談論到一個幾有趣的話題：「現今的小朋友諗緊Ｄ乜野！」

事原，有一個老豆有一日睇個女既ＦＡＣＥＢＯＯＫ，發現個女有好多朋友留言俾佢，但大多數係粗俗既說話，例如「ＯＮ９」、「ＵＰ乜７」ｅｔｃ。佢話唔明點解而家ｄ小朋友會覺得講呢ｄ野係好正常，好似唔講就唔識同人溝通。有另一位人兄就話果位老豆ｏｕｔ，所以唔明，咪住先，「ｏｕｔ！？」唔係呀化，我果一下其實有ｄ錯愕。但諗真ｄ，果位人兄講得啱，我地唔明，係因為我地ｏｕｔ。

我記得我細細個，如果我係我呀爸呀媽面前講一句ｐｋ，我個ｐａｔｐａｔ一定立即開花。果時，我大部份朋友仔都係唔會講粗言既，ｐｋ對我果時唻講，已經係一個好好好好粗既粗口，如果有個朋友講，我地一定會覺得佢好壞，唔鬼同佢玩，因為費事俾呀媽依依鵝鵝。

但當依家呢個世界改變左，莫講話ｐｋ，一ｄ有性器官既字都係好普通，你唔同人講呢ｄ字，就會俾人話你ｏｄｄ，依家ｄ小朋友，為左唔好俾人話ｏｄｄ精，唔多唔少都要係句子入面加ｄ「助語詞」。

近朱者赤，近墨者黑。唉～真擔心自己果仔既時代會變成點。七十後既性觀念係保守；八十後出現為錢而出賣貞操既援助交際；九十後出現俾錢人幫自己破處既腦殘女；咁～零零後可以點玩法呢？

請各小朋友三思而後行。

陳巧文是八十後的表表者！？

今日，閱讀了兩篇關於兩個八十後奇女子的文章或報導，一篇是關於我們八十後的表表者－陳巧文，另一篇是關於一個無名的八十後女子。兩個人給我一個很好的題材去寫今天的日誌。

先講陳大小姐的一篇報導，昨日，陳大小姐聯同一幫八十後的青年，走到中聯辦門前示「威」，其間，有多次大大小小的衝突，有些示威者投訴警方以暴力打擊「和平」示威，有些示威者投訴警方打爆佢個咀。但示威者口中既「和平」示威，到底有幾和平呢？我想大家都心中有數。

你可能會諗，會唔會係傳媒偏袒示威者，只報導示威者被打、被摸胸的照片呢？但其實，傳媒都有報導警方一早已經講明，中聯辦門外係禁止標貼。班人就一於扮聾，以暴力衝擊警方防線，以致最後發生該疑似暴力事件。

其實我覺得件事，就好似一個司機，將架車停左係禁區上面，都講到明（其實唔講都明）唔得啦，又係要做，警察上前叫你落車俾車牌，當然係黑口黑面家啦，唔通同你好聲好氣，俾杯茶過你呀！？家陣個司機唔落車都不特止，重要開車，撞擊個警察。咁你諗下個警察會唔會唔還手呀啦。

其實，發生件咁既事，我身為八十後都真係幾心痛。一：點解一間香港咁出名既大學會出個諗野咁奇怪既學生。二：其實都零晨兩點幾，點解唔返屋企訓呀，你老母～～～好掛住你地。三：其實佢地有無諗過點解要咁做呀？而家似「搞事」多過似表達意見。

「不要問社會可以為你做什麼，你們應當問自己可以為社會做什麼。」明唔明呀陳大小姐，重有，唔好化太濃妝啦，上鏡唔好睇。

我真的生氣了，係你地令八十後蒙羞，同成為最新既潮吹（吹水既潮流）對象。

不過，當我係生氣的同時，看到一篇令人鼓舞的文章，文章內容大致如下：

「０３年畢業時正值沙士，最終幾經辛苦終於搵到一份同本科有關既工作，月薪八千，佢好記得自己第三個月出糧，亦係第一期grant loan還錢既時候。八千蚊月薪，四千蚊俾屋企，四千幾蚊還grant loan,一出糧乜錢都無洗過就嘔突，真係心傷。果陣唔好話買樓，開飯都有問題。（好有同感，我重還緊！）

佢努力做資料搜集，知道原來香港有好多只需花幾百蚊去考，但政府認可既資歷、證書。佢係半年間，放工後隔晚去上堂，再返屋企溫書，雖然辛苦，但考到唔少資歷、證書。

重新裝備後，佢再去搵工。結果僱主睇到佢呢半年不斷進修，覺得佢努力、肯學，終於請左佢。佢終於做到自己想做既工作，人工亦加左一倍，多左人工，但佢無亂洗錢，第一個目標唔係買樓，而係還GRANT LOAN。佢終於比還錢期限早三年一次過還哂GRANT LOAN。

06年佢同男友計劃結婚。佢地都係公屋妹、公屋仔，無咩家底，於是要一齊儲錢，亦計劃買樓。佢地都係慳家一族，環境最差既時候兩個人分一個美心快餐食，但日子就係咁過。而佢係一年半以來努力做資料搜集，睇下有咩適合既樓盤。係努力之下，08年佢地終於係市區買左一層約200萬既樓。

而係呢幾年，除左買樓，佢地仲係早幾個月前結左婚，婚禮所有洗費由佢地負責;佢仲係兩年前開始讀MASTER，今年結婚兼畢業。」

睇完篇文章，我真係１００個佩服佢呢個人，我自問做唔到。佢放棄去買名牌、買貴衫、幾乎無去過旅行。我係以前 big 4 做，一出糧最開心，因為可以係咁駛，買自己鍾意既野，年年去旅行，而家諗起都有ｄ慚愧。

姑勿論，佢「只得工作，沒有享樂」，但她沒有怨天尤人，只會諗方法令自己過得好一點，我可以好肯定咁講，佢識諗過陳大小姐一百萬倍。

雖然我唔知佢果名，但我覺得佢先係我地八十後的表表者！

唔「等駛」既一仆

早兩日太忙，無時間打ｂｌｏｇ，今日打番兩篇先做野。

早兩日真係忙到仆街，唔係講笑，我真係仆街，重要係一個好貴既仆街。事原唔講啦，只係想講下個仆街有幾貴。

我仆果時座左落個袋度，入面有我部ｖａｉｏ　ｐ，即係果部個ｍｏｎ要用放大鏡先睇到，可以放入褲袋果部呢～我未婚妻果呀媽成日同我講部機應該掛個放大鏡係出面先用度，個ｍｏｎ都真係幾細。

就係呢一仆，我隻（１）表同（２）ｖａｉｏ　ｐ個ｍｏｎ就拜拜左。雖然，要整唔係無得整，但一來我想換呢兩樣野好耐，二來整個ｍｏｎ都真係幾貴，我諗拎去ｓｏｎｙ報下價先，貴就不如買過部好過。

我係一個好醉心於電玩既人，每有新野出，而果排有多餘＄都會去添置呢ｄ唔「等駛」既野，今次一仆，又俾我有機會去睇下ｄ唔「等駛」既野啦。

一篇ＢＬＯＧ的留言

剛睇左一篇博友（佢係其中一個誘發我寫ｂｌｏｇ既人）既文「世界真細少少少少......」，諗起我之前寫過果篇「八十後之因果」，留左個好長既言，在此分享一下：

認同佢講：

「現在好多人都只睇到眼前利益，有時要看遠少少，何況後生有的是時間同青春，豪俾佢唔好根根計較又點話？不難發覺，根根計較既人好難會上到位的。」

要係 big4 入面搵出佢所講既「根根計較既人」，真係易如反掌。但有時，可能就係因為易如反掌，令到有ｄ人誤以為「係 big4 因一ｄ私人理由走既所有staff」都係根根計較，缺乏遠見，係呢到我有所保留。

大家都做過 big4 ，今時今日，係 big4 既工作同之前係 big4 做，一定係舒服過之前，可能因為而家多左好多 audit software，有電腦，唔駛再用ｄ乜野七行，十六行紙。大陸 job 而家係好食好住，好似去旅行咁。雖然工作時間差唔多，都係「長期抗戰」。但比起以前，真係好好多。

就係因為咁，有ｄ重係 big4 做既高級人員、又或者曾經經歷過呢個「地獄旅程」既人會諗：「點呀～講辛苦，我曾經辛苦過你一百倍啦！」

首先，我上面都講過，係～係有呢ｄ人，為數都唔少，佢地不思進取，怕辛苦，但係諗深一層，點解佢地會咁諗先。

今時今日又好，當年今日又好，係 big4 做，等於（１）無曬自己時間；（２）學到野；（３）搵到錢。

（１）同（２）係一定既，我唔多講。（３）我有所保留，原因係：呢兩樣野係可以同出面其他行業比較既，今非昔比。

我仍然認同今時今日，係 big4 做，學到野，搵到錢。但比起出面其他行業，「當年」搵到既錢比 big4 少。之所以大家都會做，辛苦都做。

我同我一ｄ朋友傾開呢個問題，佢地都會有好多意見，但內容都差無幾：「出面都學到野啦，學ｄ野重實際ｄ，出面人工可能係少ｄ過 big 4 ～以前～，而家ｃｕｔ　ｃｕｔ下，咪一Ｑ樣！」

反映出，而家出面（commercial)個 paid 已經追得上 big 4 ，有ｄ人十個月ｂ仔，等於係 big 4 做一年，學唔學到野見仁見智，咁點解要攞條命博先。

只要去到一個覺得自己 ready 階段，而本身唔係 target 係 big 4 升 partner 既人，就一定會走出去。

以上只係小弟愚見，如有其他高見，請指點。

乖啦。

最近，同一個好耐無見既朋友傾電話，講到佢一個感情煩惱，佢好在意有個人同佢講左一句「Be good」，根據我朋友既演繹，即係「乖啦（啦字高音少少，尾音拉長少少）」，佢覺得呢兩個字，不能或者不應該在異性朋友之間出現，應該係同好親密既朋友先會用的。剛巧，我又在另一個地方發現有人同朋友講同樣的兩個字，我可以好肯定咁講，佢一定唔係同好親密既朋友講，令我更加認同我朋友係諗多左。

我朋友可以講係一個富有幻想力既人，佢好容易因為個男仔講一句佢以為無傷大雅既說話，令佢諗到「無雷公」咁遠。根據我呢廿零年既人生經驗，女性係感情路上係俾男性容易存有不切實際的幻想，而且往往沉溺一段頗長的時間，男性某情度上係比較著重理性分析。

舉個例，有女性會幻想自己可以嫁得好些而將自己定位太高，繼而，最後只會變成「老姑婆」。男性都會存有幻想，有時可能日日都有幻想，但通常幻想發生在夜闌人靜的時候，而且好快就解決到，之後就回歸現實。但係如果女性真係少ｄ呢類型不切實際的幻想，腳踏實地，將貨就價，正如賣魚既故事，把魚在最佳的狀態時即時出貨。我深信大部份人都可以得到幸福，包括男性在內，因為少左好多港男眼中既「港女」。

希望我朋友「乖啦」，少ｄ呢類型既幻想啦。

兩篇中女ＢＬＯＧ的讀後感

除左上個Blog寫到的電台節目，也看了星期二檔案的「中女告白」，連同兩篇早排看的Blog，將它們代入身邊一批所謂中女朋友，真係有不少感想。

因為星期二檔案的「中女告白」感想較多，而且想等未婚妻睇完先一次過寫。

先講下兩篇Blog，分別係「中女與因果」及「剩女」。

「中女與因果」提及作者因為身邊有朋友看完了星期二檔案的「中女告白」，情緒很低落，總之覺得自己是多餘的是等死的，而我決定寫篇blog為一眾女兒家打打氣。在睇的過程，感覺到作者由打氣變成生氣，由起初覺得「中女告白」過份誇大現實情況到最後怪責中女們聲大夾惡，令人退避三舍，讓靜靜守候愛情的那些女人，難覓知音。真的不能不佩服作者的文章感染力。

本人非常認同作者提及到中女們口中的「妖精」、「姣西」、「送上門唔知醜」的人，一個一個得到幸福美滿的愛，而自己繼續嘴藐藐詛咒人「睇你好得幾耐」。

之後作者反而道出全文的重點「好過，總勝過你們好都未好過！當人家跟較自己年輕的男生臉貼臉跳舞，享受同輩男人將手袋內的重物放進他背包的細心，細味成熟男人夾她一片魚面頰肉的滋味，繼續留喺屋企煲劇啦你地。」

剛巧，另一篇「剩女」也有異曲同工之妙。「剩女」提及一個作者對剩女的睇法，他認為剩女的問題，在於未試過賣魚。

容許我引用他鬼斧神工般的比喻：

每朝清早，活魚運到，條條足秤隻隻新鮮，放一缸咸水，魚得水，生龍活虎。

"亞姐，條魚幾錢兩？"

"十蚊兩"

"咁貴？你條魚曉飛呀？"

"唔買過主，你睇隔離賣魚勝D魚無喱神氣都賣你五蚊兩啦！"

既有好材料就得要賣個好價錢。 一於泥鯭當紅鮪，紅鮪當石斑，石斑當龍躉。真材實料那怕沒有好買家？

時間漸過魚漸死，眼見旁邊賣魚勝一早收檔返屋企，惟有割價促銷。但奇怪在於龍躉紅鮪價仍然乏人問津。原因在於一餐一把口只食一條魚，即使條魚確實曉飛，亦已經飽肚吃不下。天黑才買魚的人，要嗎就是無錢買魚唯有摸黑外出執死魚，要嗎就是正餐食唔飽落街是但搵料煮宵夜。

賣魚成功不在於賣得好價，而在於把魚在最佳況態時即時出貨。

作者用賣魚出貨比喻女人找歸宿；有好魚的魚民喻為有質素或本錢的女子；無錢買魚唯有摸黑外出執死魚的喻為無本錢的男人；正餐食唔飽落街是但搵料煮宵夜的喻為偷食的賤男人，一個字，絕！

我睇完這篇好文章之後的第一個感覺係，好想立即分享俾我一些未出貨既朋友睇，但我最後無（直接）咁做到，因為我唔想無曬Ｄ朋友。因為個比喻利害在「準得唻令人痛心」。

有好野，一定同人分享，一些男性朋友，將該比喻引申到「個個魚販都想賣個好價錢, 但又唔睇下條魚係咩質素級別」，這句反映出我朋友覺得現今女子自視過高，變得有點脫離現實。但正如我上幾篇Blog講，不能一竹桿打沉一船人，我都有朋友可以把魚在最佳狀態下出貨。

但總括來說，祝願大家能把魚在最佳狀態下出貨。

星期日的下午

今日，在ＩＦＣ的星爸克坐了一個下午，享受了一杯久遺的ｉｃｅ　ｍｏｃｃａ，我想很久沒試過如此享受過一個這樣的星期日。

開始迷上了這個Blogger，有新想法、新思維，都想放在這個Blogger。其實早在一年前，已經認識這個Blogger，因為有一個朋友常在Facebook分享一些這個Blogger的Blog，久而久之，迷上了看他們的Blog。在我眼中，它們是我生命中的一些點綴，心靈雞湯。直到昨天，心血來潮，自己也想試試寫Blog，遲下有機會分享一下他們的Blog。

其中一位Blogger，我今天有空聽到該Blogger的電台節目，我起初都有少許期待，但當他們談及一個電影問題時，我有少許驚訝。

他們談及一套零三年的作品「行運超人」，我想很多人都記得該片，他們說到該片很爛，污染了電視、音響，但我不太認同。

首先，為免有人未看該片，先講下該片內容是什麼，它是一套很傳統的新春電影，以搞笑為題，感覺像以前的周星馳。本人認為一套新春電影目的好簡單，最重要俾一家大細係新春假期入戲院開開心心睇戲，我認為「行運超人」９９％做到，至少我身邊有很多家人、朋友都認同。

該電台節目折射出一些香港人的普遍心態，「對人、對事過份主觀」，又或者可以說是「只要自己覺得係對的，可以將該事件表達到永不番身」。

香港人，客觀ｄ啦。

八十後之因果

「八十後」這個名詞，在二零零九及一零年，應該係最潮嘅新名詞。由政府到街坊，由三歲到八十歲，由香港人到外國人，都是茶餘飯後的討論話題。

身為八十後的一份子，時常被人討論，自自然會身同感受或一些個人體會。

首先，本人認為「八十後」之所以深入民心，是因為近幾年，政府的表現強差人意，對政府的信心指數在這一年正好和恆生指數走相反方向，當新聞播著恆生指數創一年新高的同時，接著就是對曾生的信心指數直插谷底。

接著，一批激進、滿腔屈怨的大學生，以反高鐵為借口上街，又剛巧遇着部份政府高官的無能，「八十後」的滋事份子反而被大眾接納，變成有大批支持者。因為他們敢作敢為，為民請命。

但一個銀仔一定有正反兩面，另一批（又或者是同一批）在安定社會孕育下的「八十後」，唔憂食、唔憂做，做成他們與眾多「五十後」或「六十後」有強烈對比，因為該批「五、六十後的人，成長係一個多勞多得，唔做就無得食的社會，的而且確，兩批人是成長係唔同既世界。

因此，該批「八十後」時常被「五、六十後」標籤為「唔辛苦得、唔罵得」。繼而「八十後」慢慢地由一個名詞，變成貶意詞，言而，該批被批評的「八十後」，往往就是「五、六十後」的仔仔女女。個人認為，問題的主因在於他們成長係兩個唔同既世界。試諗下，一個係富裕國家成長的人同一個貧窮國家成長的人氐生活在同一個社會中，他們會否就同一事件上會有共同意見？

作為「八十後」的一群，不得不承認部份「八十後」係唔值得幫，有工唔做，怕辛苦，怕被人罵的生活例子，彼彼皆是。本人亦算是其中一人，如果你是在四大打滾數年，一定有苦自己知，心表同情。試問誰人可以一星期做足七日，日日做足十四小時？

但與此同時，又試諗下，如果在六、七十年代的香港，正是「五、六十後」的黃金時代，人人都是一星期做足七日，日日做足十四小時，我諗全世界對唔會怕辛苦，因為全世界都咁辛苦，要生活就要辛苦，怕辛苦就等於無得生活。

那個時代，一分耕耘一分收穫，沒有像現在的公援。而家，無工做有公援，公援都有雙糧，真係俾政府吹脹！而家打工，有部份大學生可以得幾千蚊，一些公援戶都有幾千蚊，重有雙糧，咁點解要俾錢去讀大學呢？政府施政失誤，資源錯配，做成社會問題，變相鼓吹申請公援，之所以這麼多人支持長毛、巧文姐。打工！？不如上街叫你派糖好過啦。

今日報紙報導，「八十後」訓街、飛紙飛中唐生，係大家眼中，係放肆，係唔適當既場合做唔適當既野，絕對唔係敢作敢為，為民請命。大家評定「八十後」為「麻煩友」係有道理的，希望各位「八十後」自重，但同時，請大家不要一竹桿打沉一船人。

有感而發

第一篇blogger, 先自己介紹一下自己先, 呢排有個名稱時時被d同事稱呼我, 一個不是太好的新名詞「八十後」。可能本身做一份都幾厭惡性嘅行業，特別黑公司一d人憎，令人幫我起個咁嘅名。

如果將我同各位香港市民心目中嘅八十後比較，我會覺得有點兒那個，因為我都對時下的八十後都有好多批評。

我畢業於香港其中一間大學，受著大家所謂的填鴨式教育，試過重讀中五。因為無心向學，中學同大學都主張合格為上，娛樂行先，我係典型嘅中學生，先生面前好乖，但本身一d都唔乖，但好彩比我入番大學。

大學讀會計，好在本身係一個對數字好敏感嘅人，畢業後入咗四大會計師事務所其中一間，過咗差不多四年地獄式生活，最後走咗出commercial做finance，而家係一間公司嘅財務總監，餓唔死，買到樓，但唔方大得去邊。

點解突然間想打blog呢，因為而家時間比之前做四大多，唔想只係用時間打機上網，而且時時見到一d時事都會有感而發，想寫低一d自己嘅諗法同大家分享下，唔expect好多人睇，最重要係寫得開心，睇得開心。