偷聽男人心

偷聽男人心 Part 1

偷聽男人心 Part 2

一個值得分享既星期日檔案

其實學呀BOB講, 男人係一樣好蠢既動物, 好易欺騙. 男人只係想要一個曉得間中扮儍既女人.

但真係要記住間中扮儍好啦, 唔好無時無刻都扮儍, 如果唔係, 個男人就會以為你真係儍, 咁就大鑊啦. 間中扮儍, 係一種情趣, 無時無刻都扮儍, 係真係沒趣.

之外, 男人係一樣好要面既動物, 係人面前, 幾唔鍾意都好, 俾少少面男友、老公, 返到屋企先慢慢講, 唔好當住咁多人面前ban佢, 黑面. 其實, 男人有時都好小朋友, 你越唔俾面佢, 佢越唔俾面你, 咁又有乜謂呢?

P.S. 其實係現今社會, 男女平等, 唔好講男人好要面, 女人其實都好要面, 女人都想要一個曉得間中扮儍既男人. 有時氹氹下又一年, 氹氹下又十年, 氹氹下又一世, 真又好, 假又好, 氹下佢又唔駛錢既, 氹多d你地既另一半啦. 希望大家記住以上既說話, 包你終生受用.