「政治自殺」抑或「英年早逝」

上星期五的候選特首辯論，一如外界預料，黑材料（唔知流定堅）橫飛。由舊的黑材料駡戰，到新的黑材料（閹商台及血壓中環論）傾巢而出，真係令一班花生友拍案叫絕。

可想而知，整個周末的頭條都被黑材料所籠罩，不是某某泛民議員出唻抽水，就係某某前管員出唻評論幾句，好不熱鬧！

先講講朋友間既意見，之後再講自己的愚見。

朋友們感覺上已普遍支持梁振英，他們都偏向評論唐英年的不是，比如，他應該知道什麼是保密協議，什麼是機密，如他將來做特首，會唔會只顧自己的成敗，乜都攞出唻講。我聽完之後，諗起另一則有關王立軍既新聞，中央最討厭有政界人仕，完全唔理後果，對公眾或外界交代一些敏感材料。信報紀大哥一句「人格自殺」，最能概括情況。梁振英一句「人格謀殺」，反而變得有點兒惺惺作態。

唐英年先生呢一招致諸死地而後生，真係好令我刮目相看，即刻覺得唐生條腰骨生番出唻。王立軍事件出台都未正式完結，唐生竟然敢用自己既仕途作為賭注，我敢講，如果唐英年先生所言屬實，梁振英先生將面臨是次候選特首中最大的政治炸彈，一個不留神，隨時要佢一鋪清袋，因為呢個政治炸彈係聯繫在香港人最嚮往既核心價值「言論自由」。但另一方面，呢個政治炸彈也都聯繫在唐英年先生身上，王立軍事件足以證明，好似薄熙來咁既政治人物都要落得如此下場，我估唐先生都唔方好得去邊，試問，咁重唔係「人格自殺」？我會話係「政治自殺」添呀！

唐英年先生曾出席一個青年論壇時指，年青人要多包容，不要動不動就「口誅筆伐」，剛愎自用，否則會導致香港「車毀人亡」。「口誅筆伐」意思用言語和文字來揭發、譴責他人的罪惡、罪狀。

但如果唐英年先生所言屬虛，我相信佢不單只「車毀人亡」，隨時「英年早逝」！

有好多朋友問我，覺得唐英年先生既新材料是真是假，我反而會問佢：有關係嗎？我又唔係千二人中的一人，我無權投票，唔係唔係，應該話係我之前投左票俾一些人去幫我投票。那些人點諗，我亦無權改變。

既然如此，我們根本無必要去研究材料是真是假，我都係坐定定，買定花生，睇下星期日係隻狼嬴呀，定係隻豬嬴呀，可能最後，係個「仁」嬴左呢？

好一套比TBB連續劇更有睇頭既政治遊戲

我諗都有成8至9個月無打blog, 原因有兩個, (1)忙; 同(2)懶.

真矛盾, 又忙, 但同時又懶.... 不過, 我認為好多香港人都係咁...

忙, 唔單只係因為工作越來越多, 有十隻手都搞唔點, 最主要係明白都公司政治係幾咁令人煩厭. 而且, 最近重新投入學校生活, 係某大學讀一個part-time碩士課程.

懶, 係因為我覺得一個人要分時間出唻, 係一定可以既, 只係睇下你點分配時間. 忙有時... 真係一個借口. 我又唔明, 打個blog要幾耐...

好, 到底今回點解會扚起心肝打番blog呢, 最籠統既答案就係有d野想寫... 而認真既答案就係因為一個好朋友, 介紹我睇信報, 發現信報既社評、新聞, 同某某報紙比較, 真係有分別, 每每令我對社會大事、人際關係有更深既體會.

我相信, 好多香港人而家睇11點新聞重緊張過 ON CALL 36小時, 以香港政治為背景既一套連續劇, 每日都有新新聞, 由西九問題, 到約道七號, 到曾、葉公開有興趣參選, 到上海仔與熊既飯局, 真係日日新鮮, 局局精彩, 每每同一班志同道合既朋友坐埋, 一定大有話題.

對於誰是誰非, 我不想多講, 因為對於一D無答案既野, 我一點兒興趣都無. 除非你們在坐, 有誰人知道內情, 否則, 我覺得講都多餘.

我在為香港一份子, 我只關心香港前途是如何, 每人的政綱是什麼, 雖然.... 可能有人會講政綱是用來講既, 用來SELL選委既, 做可能係另一回事... 但我覺得, 有講都起碼好過無講.

唐英年參選政綱

梁振英參選政綱

首先對唔住, 我唔係有心只POST兩個候選人既WEBSITE, 因為我網上搵唔到 (可能是有的, 但我真係搵唔到, 有錯請指出). 我認為只係比較呢一點, 何先生首先出局. 唔好講 D 什麼什麼黑材料, 人既品德, 蠢或者唔蠢, 奸或者唔奸, 候選人最重要俾大家知道你為什麼出唻參選先... 你可以做到 D 乜先, 如果選左你, 會做 D 乜先. 我連咁基本既野, 都唔知, 又或者係咁難先知, 好極有個普啦... 第一局, 何生 OUT! (只係本人認為)

好, 第二局, 梁振英先生同唐英年先生可以話係不相伯仲, 政綱既重點都好相似. 可能會係實行上有所出入, 但都係同出一轍. 我諗都係睇完星期五個辯論先俾意見. 我恐怕, 星期五既收視會破開阜以來既紀錄.